Hainbat ekitaldi izango dira egunotan Zarautzen, Korrika Kulturalaren barruan

Ostegunean Bertso Korrikako saioa izango da, ostiralean 'Gaur irekiko ditu ateak' dokumentala eta larunbatean 'Korrika kalean'.
'Gaur irekiko ditu ateak' dokumentaleko irudi bat.

‘Gaur irekiko ditu ateak’ dokumentaleko irudi bat.

Martxoaren 30ean abiatuko da Korrika Otxandiotik (Bizkaia), eta 2.535 kilometroko ibilbidea eginda, apirilaren 9ean emango diote bukaera Iruñean. Bide horretan, apirilaren 5ean iritsiko da Urola Kostara. Zehazki, Zarautzera goizaldean helduko da, 01:31 inguruan.

Aurrez, girotzeko, askotariko ekitaldiak izango dira Korrika Kulturalaren barruan. Aste honetarako hiru hitzordu antolatu dituzte. Batetik, bihar, ostegunean Bertso Korrikako saioa izango da Urpekoak elkartean. 18:30ean euskara ikasleentzat bertsolaritzari buruzko tailerra egingo dute, eta jarraian, 20:00etan, bertso emanaldia izango da Joritz Bastarrika, Markel Eizagirre, Beñat Jauregi eta Iñigo Mantzisidor Mantxi-rekin. Itziar Unanue ariko da gai-jartzaile lanetan.

Ostiralean, berriz, Egunkariari buruzko dokumentala izango da ikusgai Modelo aretoan. Gaur irekiko ditu ateak  lehenbiziko euskarazko kazetaren sorrera nola izan zen kontatzen du. 22:00etan izango da.

Korrika kalean izango da larunbatean, Lege Zaharren enparantzan, 18:00etatik aurrera.

Ez dago iruzkinik

Utzi iruzkin bat

*

*

Send this to friend