Unai Agirrek zabaldu du txotx denboraldia Añota sagardotegian

Agirreren ostean, han bildu diren herritarrek izan dute sagardoa dastatzeko aukera, eta, ondoren, afaria egin dute sagardotegian bertan. Guztira, 130 bat lagun bildu dira.

Inauguratu dute sagardo denboraldi berria Azpeitiko Añota sagardotegian. Unai Agirre Euskal Sagardoa jatorri izenaren koordinatzaile eta bertsolariak izan du lehen sagardoa dastatzeko ohorea. Txotxetik atera den sagardoaz edalontzia bete, eta honako bertso hau abestu du: “Sagar urtea biltze lanetan / egin zenuten leher ia /gero txotxian antzemateko /irakinaren neurria / honek biltzen du kultura dana / ingurua da herria / altxa basoa hau da Azpeitiko / euskal sagardo berria”.

Agirreren ostean, han bildu diren herritarrek ere izan dute sagardoa dastatzeko aukera, eta, ondoren, afaria egin dute sagardotegian bertan. Guztira, 130 bat lagun bildu dira, eta afalostean, Kupela taldearen musikaz gozatzeko aukera izan dute. Agirrez gain, bertan izan dira Andoni Egaña, Iñaki Murua eta Xebastian Lizaso bertsolariak ere.

Hona hemen txotx denboraldiaren irekieran hartutako irudiak:

Ez dago iruzkinik

Utzi iruzkin bat

*

*

Send this to friend