Saharako errefuxiatuen kanpamenduetara bidaltzeko janari bilketa ari dira egiten gaur, Azpeitiko Eroski eta BM supermerkatuetan

Gaur, zapatua, 10:00etatik 20:00etara hainbat elikagai eta konpresak jasoko dituzte Khamar Saharar Herriaren Aldeko Azpeitiko elkarteko kideek Eroski eta BM supermerkatuetan. Ikastetxeetan datorren astean bilduko dituzte produktu horiek. Gainera, datorren astean motxilak ere jasoko dituzte ikastetxeetan, GIBen eta Elkargunean.
Janari bilketa ari dira egiten gaur Azpeitiko Eroski eta BM supermerkatuetan. (Argazkia: Khamar Saharar Herriaren Aldeko Azpeitiko elkartea)

Janari bilketa ari dira egiten gaur Azpeitiko Eroski eta BM supermerkatuetan. (Argazkia: Khamar Saharar Herriaren Aldeko Azpeitiko elkartea)

Bederatzigarren urtez jarraian, Saharako errefuxiatuen kanpamenduetara bidaltzeko janari bilketa egiten ari dira gaur, zapatua, Euskal Herriko hainbat txokotan. Khamar Saharar Herriaren Aldeko Azpeitiko elkartea ere ari da bilketa egiten Azpeitian. Sanjuandegiko eta Juan XXXIII auzoko Eroski supermerkatuetan nahiz BMn izango dira boluntarioak janaria biltzen, 10:00etatik 20:00etara bitartean. Arroza, makarroiak, lekaleak –lentejak, babak, garbantzuak…–, azukrea, latako atuna eta konpresak jasoko dituzte.

Gainera, datorren astean herriko hiru ikastetxeetan ere egingo dute produktu horien bilketa. Bestalde, azken urteetako gisan, ikastetxeetan, Gazte Informazio Bulegoan nahiz Soreasuko Elkargunean motxilak jasoko dituzte ondoren Saharako errefuxiatuen kanpamendu bateko eskolan banatzeko.

Ez dago iruzkinik

Utzi iruzkin bat

*

*

Send this to friend