Sidenor enpresak aldi baterako lan erregulazio espedientea abiatuko duela jakinarazi osteko bigarren bilera egin du negoziazio komisioak gaur, astelehena, Bilbon, eta ELA sindikatuak salatu du zuzendaritzak ez diela enpresaren egoera ekonomikoari, bezeroen zerrendari eta proposatuko diren neurri osagarriei buruzko dokumentazioak helalarazi, sindikatuak eskatu arren. "Zuzendaritzak argudiatu du enpresak izan ditzakeen irabaziak ez direla garrantzitsuak negoziazio honetan, eta ELAk uste du horiek ezinbestekoak direla arrazoiak argudiatzeko".
ELAk azaldu du altzairu industria taldeak 25 milioi euroko irabaziak metatu dituela auditatutako azken kontuetan. Hori hala, sindikatuak salatu du lan erregulazio espedientea ez dela "proportzionala", eta langileentzako erabaki "dramatikoa" dela azpimarratu du.
"Azken urteotan enpresaren salmentak handitu dira, eta Sidenorrek beste lurralde batzuetan dituen lantegietako lan kargak asko handitu dira, Azkoitian lana ezabatuz". Ildo horretan, enpresak "beldurraren politika" ezarri nahi duela esan du sindikatuak, eta gaineratu du "