Errezilen dagoeneko zenbatu dituzte Eusko Legebiltzarreko hauteskundeetarako boto guztiak. EH Bilduk eskuratu ditu boto gehien; 196 herritarrek bozkatu dute koalizioa, hau da, botoa ematera joan direnen %70,25ek. EAJ izan da bigarren alderdi bozkatuena; 78 boto jaso ditu alderdi jeltzaleak, boto guztien %27,66. Bi boto jaso ditu Podemos-Ahal dugu-Alianza Verdek (%0,72), beste bi boto Sumar alderdiak (%0,72) eta boto bat Voxek (%0,36). Guztira, 451 herritar zeuden botoa ematera deituta Errezilen, eta %63,19koa izan da parte hartzea.
Duela lau urteko hauteskundeetako emaitzekin alderatuta, hamahiru boto gehiago eskuratu ditu EH Bilduk; zazpi puntu egin du gora alderdi horrek jaso duen babesak. EAJk, berriz, hamabost boz galdu ditu; hamasei puntu egin du behera alderdi jeltzalearen babesak. Podemos-Ahal dugu-Alianza Verdek eta Sumarrek lehen aldiz jaso dituzte aurten botoak, baina duela lau urte Elkarrekin Podemosek lau boto jaso zituen. Voxek ez zuen babesik orduko hartan.