Aste Santuko egunak baliatuta, artisautza azoka antolatu du Nahia elkarteak. Hala, herriko eta inguruko sortzaileen topaleku izango da Lege Zaharren Enparantza Ostegun eta Ostiral Santuan; izan ere, bihar arte iraungo du azokak. Egun osokoa izango da, gainera, 10:30ean hasi eta 20:30 artekoa, hain zuen ere.
Bada, hainbat herritarrek jada aprobetxatu dute aukera eskuz egindako produktuak erosteko. Dozenatik gora postu jarri dituztenez, zabala da aukera: janztekoak dira produktuetako asko, poltsak, zapiak, bitxiak edota kamisetak, baina ez guztiak; izan ere, haurrentzako jolasak ere badira eskainitako produktuen artean, baita ukenduak edota etxerako apaingarriak ere.