Zelatungo jaien harira, urtero egin ohi dute bazkaria Errezilgo jubilatuek eta pentsiodunek, eta aurten, iraileko hirugarren igandean jarri dute hitzordua.
Zelatungo artengo lehen erromeriako irudia. (Ibon Errazu) Iraileko igande guztietan erromeriak izaten dira Zelatunen, eta horren harira, festan murgilduko dira Errezilgo jubilatuak eta pentsiodunak. Egun horien bueltan, urtero egin ohi dute bazkaria, eta aurten, hileko hirugarren igandean, irailaren 15ean, jarri dute hitzordua. Antonioren bordan bazkalduko dute igandean, eta ondoren, elkarrekin egun eder bat igarotzeko aprobetxatuko dute tartea. Gainera, Olarte eta Larrañagarekin erromeria izango da, eta dantzarako aukerarik ere izango dute errezildarrek.
Iruzkinen atala
