Emakumeen unea iritsi da! Hemen dira gure txapeldunak! Realeko neskek Kopa irabazi dute aurten, eta garaipen historikoa oroitzeko bandeja edo erretilua egin dute HITZAk eta ATARIAk. Eskuratu nahi dituenak Urola Kostako hainbat taberna eta saltokitan lortu ahalko ditu 12 euroan. HITZAko harpideek eta Maxixatzen, Uztarria, Baleike eta Karkarako bazkideek, berriz, 8 euro bakarrik ordainduta etxeratu ditzakete. Harpide eta bazkideek hedabide horien bulegoetara joan beharko dute bandejak erostera. Gainerakoek, berriz, behean dagoen zerrendako punturen batera.
Emakumeen taldearekin egin den lehen erretilua da, 2019ko maiatzaren 11n Granadan (Espainia) gertaturikoa ez ahazteko. Taldea sortu zenetik garaipen horretara heltzeko bidea luzea izan da. Izan ere, jokalari askok jarri dute euren alea familia txuri-urdin handiaren eraikuntzan, eta Granadan lortutakoa haiei esker ere izan zen. Esfortzurik gabe, ez dago garaipenik.
1980-1981 denboraldiko Liga izan zen talde txuri-urdinak irabazi zuen lehen titulu esanguratsua, Gijonen Jesus Maria Zamorak egindako gol mitiko hari esker. Lorpen hura ez ahazteko, erretilu oroigarri bat egin zen. Urteak pasa dira geroztik, eta halere, hainbat tabernatako apaletan ikus daiteke, eta realzale askok ere etxean gorde dute. Orain emakumeen unea da!
Salmenta puntuak
Hauek dira Urola Kostako herrietako salmenta puntuak:
Azkoitia
- Hizki paperdenda
- Lujan
- Plaza Berri Sport
Azpeitia
- Etxe-zuri taberna
- Antzelus kioskoa (Plaza Txikian)
- Lagun Onak futbol taldearen denda
- UKT-ren erredakzioa. (Dinamoko lehen solairuan)
Getaria
- Itxaspe taberna
- Izarri okindegia
Orio
- Sukia taberna
- Ontza paperdenda
- Baraka taberna
Zarautz
- Axut papertegia
- Juli-Juli taberna
- Izarri okindegia
Zestoa
- Koiote taberna
- Potxolo paper eta opari denda
Zumaia
- Garoa taberna
- Aizpurua liburu denda
- Mandala
*Oharra: Urtarrilaren 2ra arte hedabideetako egoitzetan guardia zerbitzua dago. Horregatik, egoitza itxita aurkituz gero, deitu telefono zenbaki honetara: 607 49 87 28.
