09:00. Izarraitz txistulari taldeko kideen eta Juan Antxieta musika eskolako ikasleen goiz eresia, kalez kale. 09:30. Ardozaleak eta Gure Ametsa taldeek kalejira egingo dute plazatik hasita, eta Udal Musika Bandako musikariak eta Juan Antxieta musika eskolako txilibiteroak izango dituzte lagun. 10:15. Udal ordezkariak udaletxearen aurretik Soreasuko Sebastian Donearen parrokiara joango dira. 10:30. Prozesioa, Alde Zaharrean barrena. 10:45. Meza nagusia, Soreasuko Sebastian Donearen parrokian. Parrokiako eta Julian Barrenetxea abesbatzetako eta Azketa ahots taldeko kideek parte hartuko dute elizkizunean. Ignacio Arakistain arduratuko da elizkizunean organoa jotzeaz. 12:00. Sokamuturra, Erdikaletik aterara, plazan. Lopene ganadutegiko zezenak izango dira. 12:30. Arana kaletik eta Artzubia hiribidetik aterata, umeen danborrada. Kalez kale ibiliko dira hamar taldeak, eta plazan bukatuko dute ekitaldia. Gainera, taldeak plazan direla, Juan Antxieta musika eskolak omenaldia jasoko du. Halaber, danbor taldeekin batera aterako da karroza. Aurtengoa Aitor Expositok egin du, Azpeitiko 40. Euskal Antzerki Topaketak gai hartuta. 16:30. Sokamuturra, Erdikalean hasita. 20:00etara bitartean ohiko ibilbidea egingo du sokamuturrak. Lopene ganadutegiko zezenak izango dira. 23:15. Bandera jaitsierako danborradaren hasiera. Bustinzuriko Errebaletik abiatuko dira jaitsieran parte hartuko duten taldeak (Gastadoreak, Zulozabal, Loiolatxo, Itsasi, Harkaitza, Etxera, Basazabal eta Iraurgi SB), eta Alde Zaharrean kalejira eginda, plazan bukatuko dute ibilbidea. 00:00. Banderaren jaitsiera plazan. Udal Musika Bandak joko ditu danborradako piezak, zuzenean.
Sebastian Deunaren eguna: 10:30. Meza Nagusia. 11:00. Hamaiketakoa, auzo elkartean. Goiz osoan, Amets Etxaide eta Irati Orbegozo izango dira giroa alaitzen. 21:00. Bertso afaria auzo elkartean. Andoni Egaña eta Sebastian Lizaso bertsolariekin, Aratz eta Mariak jotako doinuekin alaituta. Jarraian. Erromeria goizeko ordu txikietara arte.
Iñaki Bidegainek liburua aurkeztuko du, 19:00etan, Zazpi kultur elkartean. Ekitaldian egile zarauztarraz gain, hainbat GKEetako kooperante Bakarne Iruretagoienak, DOAko kooperante Marimar Solak eta Clara Cabanillas editoreak hartuko dute parte.
Generoa: Drama. Zuzendaria: Maggie Peren. Aktoreak: Louis Hofmann, Jonathan Berlin, Luna Wedler, Nina Gummich, André Jung. Iraupena: 116 minutu. Adina: 12 urtetik gorakoentzat.
Toto helduen antzerkia izango da Aita Mari aretoan urtarrilaren 20an, 20:00etan, Hika konpainiaren eskutik.
Euskal Kostaldeko Geoparkean ikus daitezkeen hegaztien inguruko argazki erakusketa izango da urtarrilaren 12tik 29ra bitartean Alondegiko Oxford aretoan. Oliver Perez eta Imanol Manterola argazkilari zumaiarren irudiez osatzen da erakusketa. Ordutegia: astelehenetik ostiralera 18:00etatik 20:00etara; larunbat eta jai egunetan, 12:30etik 14:00etara eta 18:00etatik 20:00etara.
Ordutegia: Ostiraletan, 18:00etatik 20:00etara. Larunbatetan, goizez, 12:00etatik 14:00etara, eta arratsaldez, 18:00etatik 20:00etara