Bi urteko etenaren ostean, San Lorentzo egunez usadioari eutsi diote berriro Beizaman. San Lorentzo ermitaren atarian herritar ugari elkartu ziren 19:00etarako, orduantxe kanpaia jota eman baitzioten hasiera mezari. Gainera, falta diren herritarrak gogoratu zituzten atzokoan.
Elizkizuna bukatuta, mokadutxoa egiteko aukera izan zuten herritarrek, Maritxu Arteagak ere ez baitio utzi jan-edana prestatzeko ohiturari –aurten ez dute afaria egin, baina tripa betetzeko parada izan zuten beizamarrek–. Herritarrak oso gustura aritu ziren ermitaren atarian solasean.
(Argazkiak: Igone Arruti)