Juanita Olazabali omenaldia egingo diote igande honetan, apirilaren 23an, Beizaman. "Juanitak bere bizitzaren zati bat Beizamako herriari laguntzen eta elizako lanak egiten" eman duela gogoratu du omenaldia antolatu duen Parrokiako komisioak, eta herrian zein elizan "egindako lana zein inplikazioa eskertzeko" prestatu dute igandekoa.
10:15eko mezaren irteeran, eliz atarian egingo dute Olazabalen omenaldi ekitaldia. Ondoren, hamaiketakoa egingo dute Ostatuan.