2023ko maiatzaren 28ko udal eta foru hauteskundeen inguruko informazio oro jasoko du Urola Kostako Hitzak atal berezi honetan.
Ana Azkoitia: "Izan daitezela herrigintzarako gure oinarriak elkarrizketa, akordioa eta elkarlana"
2023 eka 17 Azkoitia
Ana Azkoitia izango da 2023-2027 agintaldiko Azkoitiko alkate berria. Azken unera arte airean egon da alkatetza noren esku izango zen Azkoitian, eta azkenean, talde bakoitzak bere buruari eman dio botoa, PSE-EEk izan ezik; hark, EAJri eman dio. Horrenbestez, Azkoitiak hartu du alkate makila Javier Zubizarretaren eskutik. Jeltzaleek gehiengo soilarekin aginduko dute datozen lau urteetan. Erlo Telebistak gaurko kargu hartze ekitaldiko irudiak hartu ditu udaletxeko bilkura aretoan.
