Kultur eta kirol jarduera ugari antolatu dituzte abuzturako eta irailerako 'Udan zer Zestoan?' egitasmoaren barruan. Segurtasuna mantenduz egingo dituzte jarduerak, eta horretarako gune bat egokituko dute plazan. Ekitaldiak doan izango diren arren, aurrez sarrerak hartu beharko dira Zestoako turismo bulegoan. Ekitaldietarako aforoa mugatuta egongo da, eta zestoarrek izango dute lehentasuna.
Inaziotar Bideko etapez gain, bisita gidatuak ere egingo dituzte uda sasoian, Ezkutuko Altxorrak programaren barruan. Interesatuek aurrez izena eman beharko dute.
Taberna gehienak 01:00 eta 02:00 artean itxiko dituzte; laugarren mailako izendapena duten lokalak, aldiz, 04:00 arte egongo dira irekita.
Idi probetan jende multzo handia biltzen dela-eta hartu du udalak idi probak ez egiteko erabakia.
Zarauzko Udalak udako hainbat ekitaldi bertan behera uztea erabaki du, eta egunez aldatu ditu beste batzuk. Irune Urbieta zinegotziak aitortu duenez, "jende pilaketak saihestea" da erabakiaren helburua.
Udalekuak ez egiteko gomendioa egin zuen Eusko Jaurlaritzaren Osasun Sailak larunbatean, eta horregatik hartu du erabakia udalak. Dena den, behar bereziak edo gabeziak dituzten haurrei eta gaztetxoei zuzendutako aisialdi zerbitzuak martxan jarraituko du.
Atzo ospatu zuten Gaztetxearen 15. urtemugaren eguna, ezohiko erara. COVID-19aren aurrean hartutako prebentzio neurriak tarteko, ez zuten baltsa jaitsierarik egin atzokoan. Horren ordez, goizean zehar mendi txangoa egin zuten gazte asanbladako zenbait kidek. Ondoren, bazkaria egin zuten Gaztetxean, eta bingo musikatuarekin borobildu zuten eguna.
Andoni Bastarrikaren laguntzarekin, hondarrezko eskulturak egiten ibili dira hainbat gaztetxo goizean Azpeitian. Arratsaldean ere egongo da horretarako aukera, 17:00etatik 20:00etara bitartean.
Eguraldia lagun, hainbat herritarrek Azpeitiko Izarraizko Atea parkea aukeratu dute gaur, asteazkena, beroari aurre egiteko.
Gaur, asteazkena, beste urte batzuetako parodiak ikusteko aukera izango da Azpeitiko Gaztetxean, 21:00etan hasita.
400 kilo plastiko birziklatu dituzte Iñurritza parkeko jolas parke berritua egiteko, eta udalaren asmoa Zarautzen horrelako parke gehiago egiten joatea da.
Datorren astean hasita, 4 eta 8 urte arteko haurrak dituztenek familian egiteko ekintza bat izango dute astearte arratsaldero; 8 eta 12 urte artekoentzako ekintzak asteazken goizetan egingo dituzte; eta 12 eta 16 urte artekoentzat ostegun goizetan. 16 eta 18 urte artekoek, berriz, Gaztelekuko hezitzaileekin planak adostuko dituzte, talde txikietan egiteko.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaraz modu librean kontatzea da gure eginkizuna. Horretarako, zure ekarpena beharrezkoa da, eta ongi maitatzeko modurik zintzoena da HITZAkide egitea.
Gainera, BERRIAlaguna bazara eta HITZAkide egiten bazara, katilu bat oparituko dizugu:
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dut
