Hiru ordu eta hogei minutu iraun du Azkarateko hondakin gunearen inguruko bilerak. Partaide bakoitzak bere ikuspuntua eman du gaiaren inguruan, eta Javier Zubizarreta alkateak esan du emandako hitza bete egingo duela eta ez duela proiektua bultzatuko. Elkargunean atarian, berriz, Azkarateko hondakin gunearen aurkako elkarretaratzea egin dute.
Besteak beste, erdira jaitsiko da datozen bi urteetan udalak Urola Erdiko garapen agentziari egin beharreko diru ekarpena. "Hausnarketa sakon bati ekiteko garaia" dela deritzo Udal Gobernuak,, "Urola Erdiaren garapen integrala helburu, Zestoako Udalak eskualdean izan behar duen lekua eta bere garapena eskualdearenarekin bateragarria izan dadin".
Azkoitiko Udalaren webgunetik elkarrizketa zuzenean jarraitzeko aukera egongo da gaur arratsaldean, 'streaming' bidez. Saioa 17:00etan hasiko da.
Maiatzaren 20az geroztik Gipuzkoan topatu duten lehen koronabirus kasua izan da azken orduetan atzemandakoa. Bizkaian lau kasu berri topatu dituzte, eta Araban bat bera ere ez.
Australiako Sydney hirian bizi da Araitz Goikoetxea (Azkoitia, 1985) duela hamar urtetik, eta han harrapatu du COVID-19 gaitzak eragindako krisialdiak. Hango egoera azaldu du.
Zarautz izango da lehena aparkalekuak kobratzen, ekainaren 1ean. Herri horretan zenbait gune egokitu dituzte aparkaleku gehiago izateko. Gainontzeko herrietan ez dago aldaketarik momentuz.
COVID-19aren eragina arintzeko eta tokiko ekonomia nahiz industria bultzatzeko sustapen plana adostu dute EH Bilduk eta EAJk, elkarlanean. 1,7 milioi euro bideratu dituzte sustapen planera, eta hamabi lan ildo lagunduko dituzte diruz. Besteak beste, planaren barruan sartu dituzte zaintzarako, saltoki eta ostalaritza gune txikientzat eta oinarrizko beharrak dituztenentzako laguntzak, alokairurako dirulaguntzak, formazioak eta tokiko ekonomia sustatzeko bonoak.
2006an hasi zuen Arraio Irratiak ibilbidea, gaurko egunez. Aurtengo urteurrena berezia izango da, irratsaio berezia antolatu dute arratsalderako, eta herritarrak beraiekin batera ospatzera gonbidatu dituzte.
COVID-19a saihesteko segurtasun neurrien inguruko errotuluak prestatu ditu Bai Euskararik, eta Zestoako Udalak horiek doan banatuko ditu. Saltokietako nahiz erakundeetako ordezkariek 'online' eskatu beharko dituzte errotuluak.
Atzo iluntzean, erraustegiaren aurkako giza katea osatu zuten oriotarrek zubian eta moila inguruan. Antolatzaileek azaldu dutenez, erraustegia oraindik inauguratu ez badute ere, "ehundaka arrain hilda" erraustegi inguruan. Horren aurrean, herritarren osasunaren eta ingurumenaren alde mobilizatu ziren herritarrak, konfinamenduko babes neurriak errespetatuz.
Alarma egoera luzatzea iragarri zuen atzo Pedro Sanchez Espainiako presidenteak. Gaur beste neurri bat iragarri du, autonomia erkidegoetako presidenteekin egindako bileran: 10.000 biztanle baino gutxiago duten herriek ez dute ordutegirik izango.
20:45ean, moila eta zubi inguruan, elkartuko dira kirola egitera ateratzen diren herritarrak atseden hartuz, protesta egiteko. Sirena hotsak markatuko du giza katearen hasiera eta bukaera, eta bost minutukoa izango da.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaraz modu librean kontatzea da gure eginkizuna. Horretarako, zure ekarpena beharrezkoa da, eta ongi maitatzeko modurik zintzoena da HITZAkide egitea.
Gainera, BERRIAlaguna bazara eta HITZAkide egiten bazara, katilu bat oparituko dizugu:
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dut
