Babes ofizialekoak izango dira 39, eta tasatuak 28; urtea bukatzerako zozketarako izen-ematea prest egotea espero du Udalak. Alde Zaharrean eragiten jarraituko duela eta "molde berriko" etxebizitza beharrak aztertzeko prozesua ere iragarri du Udal Gobernuak.
Zestoako Udalak eta Gipuzkoako Foru Aldundiak ostiralean jakinarazi zuten Iraeta eta Narrondo lotuko dituen bidegorri zatia egingo dutela, eta beraz, Urola Bide Berdea osatuko dutela. Urte honetan hasiko dira Iraetako tunela konpontzen. Proiektu osoa bi milioi euro inguru kostatuko da.
Gipuzkoako Foru Aldundiaren egoitzan aurkeztu dute proiektua gaur. Aspaldiko eskaera bati erantzunez, Iraeta eta Narrondo lotuko dituen bidegorri zatia egingo dute, eta horrela, Urolako Bide Berdea osatuta geldituko da. Urte batzuk beharko dira lanak amaitzeko.
Azkoitiko Udalak astelehenean hasiko ditu irisgarritasuna hobetzeko eta bidegorria egokitzeko lanak, eta lau hilabete iraungo dute. Lanen eraginez, aldaketa nabarmenak izango dira herriguneko zirkulazioan, eta besteak beste, Guardia eta Beidazar kaleak norabidez aldatuko dituzte. Horrez gain, lekuz aldatuko dute liburutegi aurreko autobus geltokia.
"Azken erremateak" egiten ari dira Zestoako kiroldegian. Gorka Unanue zinegotziak dio "udaberrian zehar" zabalduko dutela. Dagoeneko erabilgarri dago pilotalekua.
Auzora iristeko egun dagoen bidearen sarrera itxi eta bide berria zabalduko dute: Gurutze Gorriaren pareko biribilgunetik abiatuko da bide hori. Azkoitiko Udalak lanak "azken txanpan" direla azaldu badu ere, ez du zehaztu noiz jarriko duten erabilgarri bide berria.
Hitzaldia bihar izango da, orain arte egindakoa eta aurrerantzeko pausoak azaltzeko. Hilaren 26an, berriz, herritarren ekarpenak jasotzeko tailerra egingo dute. Bi hitzorduak udaletxean izango dira, 18:30ean.
Plazaren azpiko garajeetara ura sartzen zelako hasi dituzte lanak. Bide batez, gune horretako argiteria eta elementuak berrituko dituzte. Obren aurrekontua 41.667,55 eurokoa da.
2018ko abuztuan onartu zuten Zarata Mapa. Orain, "pauso berriak eman" eta "zarata horren eraginari aurre hartzeko neurriak" zehazteari ekingo dio Zarauzko Udalak. Datorren astearterako, otsailak 12, bilera irekia antolatu dute.
Saioa hasten baduzu, HITZAKIDE izatearen abantailak baliatu ahal izango dituzu.
HITZAKIDE naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAKIDE izatearen abantailak eta aukeratu HITZAKIDE izateko gustuko modalitatea
HITZAKIDE izan nahi dut
