'Dendaostekoak' izeneko liburua argitaratu berri du Uxue Alberdi (Elgoibar, 1984) idazleak. Bihar aurkeztuko du Getarian.
'GR 11 Urdina' egitasmoaren azken etapa egin zuten atzo, igandea, Imanol Aleson eta Julian Morcillo mendi lasterkariek. Azkoitiarrak dio "hunkituta" bizi izan zituela ibilbidearen azken kilometroak, eta gustura agertu da egindakoarekin. Ostiralean, urriak 2, omenaldia egingo diote Alesoni eta Morcillori Baztartxo antzokian.
Aitor Zulaika (Azpeitia, 1976) entrenatzaileak bere bigarren ibilbidea hasi berri du Irungo (Gipuzkoa) Real Union taldean. 2014-2015 eta 2015-2016 denboraldietan ere zuzendu zuen azpeitiarrak Real Union, eta orduko oroitzapenek eraman dute berriz talde beraren ardura hartzera. Azpeitiarrak Realean egin ditu azken urteak, entrenatzaile eta ziklo koordinatzaile karguan.
Euskal Herriko beste hainbat argitaletxerekin batera, bere postua du Zarauzko Susa argitaletxeak Literaturiako azokan. Esan daiteke azokaren lehen orduak arrakastatsuak izan direla. Halako hitzorduek argitaletxeentzat duten garrantziaz hitz egin digu Leire Lopez Ziluaga Susako editoreak.
Aitortza egingo diote igandean Leire Bilbao idazleari (Ondarroa, 1978) Literaturia jaialdiko Literattipia atalean. Haurrei zuzendutako emanaldia ere eskainiko du, ipuina eta poesia uztartzen dituena.
Donostiako Zinemaldiko Zinemira atalean estreinatuko dute Telmo Esnalen azken lana, 'Urtzen'. Pablo Azkue zarauztarraren ‘Ur, el gigante del mar’ liburuan oinarrituta dago Esnalen azken filma.
'Abdon Gonzalez de Alaizaren alfabetoa' liburua argitaratu du Miel Anjel Elustondok (Azpeitia, 1958). Euskarazko lehen komiki aldizkariaren "sustatzaile beroena" izan zen Gonzalez de Alaiza, eta hark egindako lana ezagutarazteaz gain, hura omentzeko helburua ere badu lanak.
Joan den astean lurrikara izan zen Beizama eta Itsasondo artean, eta horren harira, Arturo Apraiz EHUko geologoa elkarrizketatu du 'Gipuzkoako Hitza'-k.
Hondartza denboraldi “arraroa” espero dute Zarautzen. Hala dio Ibon Elorza toldozainak (Zarautz, 1961), edo toldozain ohiak, aurten ezingo baitute hondartzan toldorik jarri. Debekuak “egoera zailean” utzi dituela aitortu du, “negu guztia udako denboraldiari begira lanean” pasatu eta gero ezingo dutelako ordainik jaso. Udalak, baina, zeregin berria jarri die hastear den denboraldirako: toldozainak arduratuko dira hondartzako sarbideak eta edukiera kontrolatzeaz.
Hamaika saltsatan sartuta ibili ohi da Galder Gonzalez Zarauzko bizilaguna (Altsasu, Nafarroa, 1982). Dibulgazio zientifikoaren CAF-Elhuyar saria irabazi du, eta bere lanaz aritu da, besteak beste.
Itsasontzian bizi dira Angel Heredia eta haren emaztea, Zumaiako kirol portuan. Kezkatuta daude pandemiak ekarriko duenarekin.
Euskaltel DBA Euskadi Fundazioko txirrindulari profesionala da Jokin Aranburu (Zarautz, 1997), eta hilabete eta erdiz etxean aritu da entrenatzen. Astelehenetik errepidera ateratzeko aukera du bere prestaketa lana egiteko. Horretaz guztiaz, eta baita bere eta lasterketen etorkizunaz aritu da HITZArekin solasean.
Zurekin Zarauzko Ostalarien Elkarteko presidentea da Martin Argiñano. Osasun-larrialdiak ekarritako egoerak gogor kolpatu du ostalaritza sektorea, eta elkartearen ikuspuntua eta jarduera berreskuratu ahal izateko egiten ari diren lana azaldu ditu zarauztarrak.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaraz modu librean kontatzea da gure eginkizuna. Horretarako, zure ekarpena beharrezkoa da, eta ongi maitatzeko modurik zintzoena da HITZAkide egitea.
Gainera, BERRIAlaguna bazara eta HITZAkide egiten bazara, katilu bat oparituko dizugu:
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dut
