Ingurumena gaitzat hartuta, familia osoarentzako ikuskizun batekin eman diote hasiera Kosta bailarako sortzaile eta artisten jaialdiari Zarautzen, Lege Zaharren enparantzan; ordu berean, Arrosategi parkean erakusketa zabaldu dute, eta tailerra eskaini dute Etxezabalan.
Berrikuntzaz beterik ekingo diote denboraldi berriari Zarauzko hondartzako futbolariek. Antolatzaile berriak arduratu dira aurten txapelketaz, eta igandean, urriaren 13an, jokatuko dute lehen jardunaldia.
1983an aurkitu zuten Antxieta taldeko kideek Zestoako Amalda III haitzuloa. Irailean han izan dira Joseba Rios arkeologoarekin, Euskal Herriko azken neanderthalaren DNA zantzuen bila.
Goizean, 09:30ean egin dute Zarautzen Kilometroen irekiera ekitaldia, eta 10:00etan irekiko dute ibilbidea. Hona laburpen bideoa, Erlo Telebistaren eskutik.
Emakumeen senior mailako taldea osatu dute aurten Zestoan. Gipuzkoako Gorengoen ligan hasi dira lehiatzen eta bihar dute hirugarren jardunaldiko partida Iraetako zelaian, 11:00etan, Intxurreren kontra.
Frederic Gutierrez Barde artista donostiarraren margolanak jarri dituzte erakusgai Zarauzko Torre Luzea aretoan. Egunero egongo da zabalik, 18:00etatik 20:00etara, azaroaren 3ra arte.
Urola Erdiko Mankomunitateko organikoen kudeaketa garestituko du Lapatxeko konpostatze planta ixteak, Azpeititik Elgoibarrera garraiatzeak dituen kostuengatik. Aitor Bereziartuarekin eta GHK Gipuzkoako Hondakinen Kontsortzioarekin hitz egin ostean 'Gipuzkoako Hitza'-k osatutako erreportajea da honakoa.
Euskal Astearen barruan jokatu da gaur 31. Aurresku Txapelketa, eta Katerin Artola nagusitu da hamalau neska-mutilen artean. Iaz ere berak jantzi zuen txapela.
185 lagunek hartu dute parte aurtengo kirol proban, horietatik hemeretzik roller lasterketan. Umore ona izan da nagusi, baina egon da momentu hunkigarririk ere, parte hartzaile batzuek hilaren 16tik aurrera Madrilen epaitua izango den Ainhoa Baglietto zarauztarrari babesa erakutsi diotelako helmugan.
Aritz Mutiozabal idazleak 'Piztiak' narrazio bilduma plazaratu du. Pertsonaien askotariko desorekek harilkatzen dituzte kontakizunak. Hona hemen Joana Ibargaraik 'Berria'-n egindako erreportajea.
Bihar, Getaria-Zarautz itsas zeharkaldiaren 49. ekitaldiaren bezperan, ur irekietako proba bat estreinatuko dute Gipuzkoako kostaldean: Zarautz-Getaria-Zarautz. 'Gipuzkoako Hitza'-k horien inguruan osatutako erreportajea da honakoa.
Iaz bezala, sanpelaioen atarian egin du aurkezpen ekitaldia Zarauzko dantza taldeak, Iñurritzan. Jende asko bertaratu da dantza emanaldia ikustera, eta adin guztietako dantzariek hartu dute parte, hainbat doinuren erritmora dantza eginez.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
egin zaitez HITZAkide
