Espainiako Gobernuak alarma egoera ezarri zuenean onartu zuen dekretua aintzat hartuta zehaztu ditu funtsezko jarduerak. Hain zuzen ere, 40 lan eremu jo ditu beharrezkotzat. Telelana gauzatzen ari diren beharginak ere multzo horretan sartu ditu. Apirilaren 9ra arte izango da indarrean neurria, eta enpresek ordainduko dituzte langileen baimen egunak. Beharginek urte bukaera bitartean berreskuratu beharko dituzte lanorduak.
Atzo 20:00etan eguneratutako datuen arabera, 78 dira guztira Urola Kostan COVID-19aren proban positibo eman duten herritarrak.
Martxoaren 30etik apirilaren 9ra, etxean gelditu beharko dute behar-beharrezkoak ez diren lanetan aritzen diren behargin guztiek. Langileek ohiko soldata eskuratuko dute, baina bi aste horietako lan orduak alarma egoera etetean egin beharko dituzte.
COVID-19aren hedapena saihesteko jaurlaritzak debekatu egin du beilatokiak irekitzea, "hildakoaren heriotzaren kausa edozein izanda ere". Atzo jarri zuten indarrean hartutako neurria. Hileta-elizkizunetara joateko baldintzak indartu dituzte, eta horietara joaten diren pertsonen artean gutxienez metro eta erdiko tartea bermatzeko eskatu du erakundeak. Espainiako Gobernuko Osasun Ministerioak esan du hilotzak errausteko edo ehorzteko aukera izango dela 24 ordu igaro aurretik.
Kutsatutakoen kopurua hazi egin da beste behin Hego Euskal Herrian. Halere, eskualdeko positibo kopuruaren igoera nahiko apala izan da beste egun batzuetakoekin alderatuta. Zumaian eta Orion bina kasu atzeman dituzte. Eta beste bana Getarian, Zarautzen eta Azkoitian.
Urolako Komunikazio Taldeak streaming bidezko bertso saioa eskainiko du datorren ostegunean, 18:30ean hasita. Eneritz Artetxek, Jokin Urangak, Beñat Lizasok, Jon Gurrutxagak eta Iñigo Mantzizidor Mantxik kantatuko dute, eta herritarrek horientzako gaiak proposatzeko aukera izango dute asteartera bitartean.
Aizarnazabalgo frontoiak ez ditu irisgarritasun baldintzak betetzen, eta sarrera berri bat egingo du udalak. Atzeko kaletik frontis ondora joango litzateke sarrera hori, eta lanak udan gauzatzea da asmoa.
Ostalariei, merkatariei nahiz artistei bultzada emateko sortu du laguntza programa. Webgunerik ez dute negozioek eta profesionalek urtebeterako doan eskuratu ahal izango dituzte .eus domeinua eta zerbitzaria. "Atea fisikoak itxi behar izan dituzten horiei ate berri bat, ate digitala, zabaltzen laguntzea da egitasmoaren helburua", PuntuEus fundazioko kideen arabera.
Erabilitako arropa egiteaz arduratzen den enpresak bertan behera utzi du zerbitzua koronabirusa dela eta. Horrenbestez, alarma egoera bertan behera utzi bitartean, Urola Erdiko herritarrek ezingo dituzte arropak edukiontzi horietan utzi.
Patxi Salaberriren eta Luis Mari Zalduaren ‘Gipuzkoako herrien izenak. Lekukotasunak eta etimologia’ azterlana paperean eta PDF formatuan argitaratu berri du Euskaltzaindiak, eta Interneten kontsultagarri jarri du. 'Zarautz' eta 'Nuarbe'-ren jatorria argitzerik ez dute lortu ikertzaileek.
Energiaren Euskal Erakundeak dirulaguntza eman dio Aizarnazabalgo Udalari Atari Soro pilotalekuko argiak aldatzeko. Guztira, 29 proiektore aldatu ditu udalak.
Norbere balkoietara atera, eta kazolak jota egingo dute azken hilketa matxista salatzeko protesta.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaraz modu librean kontatzea da gure eginkizuna. Horretarako, zure ekarpena beharrezkoa da, eta ongi maitatzeko modurik zintzoena da HITZAkide egitea.
Gainera, BERRIAlaguna bazara eta HITZAkide egiten bazara, katilu bat oparituko dizugu:
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dut
