Kataluniako erreferendumaren auziagatik espetxe zigorrak ezarri ditu Espainiako Auzitegi Gorenak, eta hori salatzeko, gaur greba orokorra egiten ari dira Herrialde Katalanetan. Euskal sindikatuen gehiengoak, elkartasun gisa, elkarretaratzera deitu du Euskal Herrian. Urola Kostan, ia herri guztietan atera dira kalera edo lantoki aurrera herritarrak eguerdian, herri batzuetan udalek deituta.
Aizpurutxoko errepidearen lehen hobekuntza fasea eta Munategiko biribilgunea datorren urtean egingo dituzte. Hala jakinarazi du Azkoitiko Udalak gaur, osteguna, Mikel Uribetxeberria Bide Azpiegituren Kudeaketa eta Plangintza zuzendari nagusiarekin udaletxean bildu ostean.
Gipuzkoako erresidentzietako langileak protestara irten dira gaur Azkoitian eta Azpeitian, ELA sindikatuak deituta. Langileek ehun egun baino gehiago daramatzate greban, lan hitzarmenaren alde. 2017an ekin zioten negoziazioari, eta gaur egun, oraindik ere, "egoera hankaz gora" dagoela salatu dute.
Hirugarren urtea du Igor Zubeldiak Realeko lehen taldean. Jokalari garrantzitsua da Imanol Alguacil prestatzailearentzat, eta adierazi du "lehia handia" dagoela taldekideen artean, postu bat eskuratzeko. 'Berria' egunkariak elkarrizketa egin dio azkoitiarrari.
Artilearen bilketari konponbidea emateko jasoko dute material hori Azpeitiko zabortegian. "Azken urteetan artilearekin zer egin jakin gabe egon gara", dio Aiako Orortegi baserrikoak.
Ostiraletik azaroaren 19ra bitartean, mugikorren eta sare sozialen erabileraz, kontrolaz eta zibersegurtasunaz haursnartuko dute eta arazoei aurre egiteko estrategiak plazaratuko dituzte. Lau saio egingo dituzte, nerabeei, gazteei eta gurasoei zuzenduta.
Carlos Muñozen atsedena dela eta, Ismael Conde zuzendari ohiak eta Eneritz Jauregi (Andoain, 1987) Getariako musika bandako zuzendariak hartu dute Azkoitikoaren batuta.
18:00etan izango da emanaldia, eta aktoreek umorea eta poesia uztartuko dituzte zuzeneko musikarekin. Sarrerak lau eurotan erosi ahal izango dira antzokiko leihatilan.
23 lagunek parte hartu dute erorikoak prebenitzeko edo arriskuak murrizteko tekniken berri emateko tailerrean. Udaleko Gizarte Ongizarte sailak eta Osasun Publikoak eta Azkoitiko anbulatorioak antolatu dute tailerra.
Gaur, asteartea, Azkoitiko Mapa Morea osatzeko bigarren bilera izango da, 19:00etan, Elkargunean. Patxi Galarraga arkitektoak zuzenduko du saioa eta interesa duen orok parte hartu dezake bertan.
Gaur, asteartea, Udalak salgai jarri ditu herriko saltokietan gastatzeko 30 euroko merkataritza bonuak. 11:30erako guztiak agortu dira. 20 euroren truke eskuratu dituzte herritarrek bonuak, eta pertsona bakoitzak horietako bi eskuratu ahal izan ditu gehienez.
Bertsoa ardatz eta adineko pertsonen gaitasuna sustatzea helburu dutela, Adin-adin bertso saioak Gipuzkoako 16 egoitzetara iritsiko dira aurten. Lehen saioa Azkoitiko San Jose egoitzan izango da gaur, asteartea, 17:00etan, Eneritz Artetxe eta Sebastian Lizaso bertsolariekin.
Datorren igandean, urriak 20, Eskolarteko XXXII. Mendi Lehiaketaren final eguna jokatuko dute Azkoitian. Gipuzkoako ikastetxeetako neska-mutil guztiek parte hartu ahalko dute, eta horretarako osteguna baino lehen eman beharko da izena.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
egin zaitez HITZAkide
