Hamar artistaren lanak ikusteko, ezagutzeko eta erosteko aukera izango da bihartik hilaren 22ra Marcial Ucin enpresaren bulegoak zeuden eraikinean, Azpeitiko lehen arte azokan.
Euskal Herriko Harri Handien Txapelketa jokatuko dute bihar Azpeitiko Izarraitz pilotalekuan, eta iazko edizioan parte hartu ez bazuen ere, biharkoan lehiatuko da Aimar Irigoien errezildarra. Onena ematen saiatuko da.
Landa eremuan diharduten eskualdeko proiektuei bultzada ematea dute helburu. Aurten seigarren aldiz eman dituzte, Urola Kostako Udal Elkartearen egoitzan.
Fitoarazketa izena du sistemak, eta landareak arduratzen dira ur zikinak garbitzeaz. Eman ditu aurreneko emaitzak, eta Azpeitiko udal ordezkariak, Aratzerrekako bizilagunak nahiz instalazioa egin duten enpresako kideak gustura dira. 2018ko udaberrian Xoxoten jarri zuten halako sistemadun araztegi bat.
Dirulaguntza eta finantzazio faltan, datorren urtean Azpeitiko Tuba Jaialdia antolatzeko zailtasunak ikusten dituzte antolatzaileek. "Azpeitiko Udalaren laguntza bakarrik jaso dugu eta agortu ditugu Metal Boskotearen baliabide ekonomiko denak", adierazi dute. Abenduaren 15ean, Donostian Gabon Tuba Jaialdian parte hartuko dutela ere iragarri dute.
Joseba Tapiak (Lasarte-Oria, 1964) kaleratu berri duen Tranpaldo diskoa aurkeztuko du igandean Soreasu antzokian. 18:30ean hasiko den kontzertua ETBk grabatuko du. Barkako zortzigarren lanean bildu dituen abestiak entzun ahal izango dira emanaldian. Kontzertua baino lehen, triki-poteoa egingo du Tapiak herritarrekin batera; 16:30erako jarri du hitzordua Sanagustin kulturgunean. Diskoa grabatzeko baliatu zituzten kontzertuetan bezalatsu, Azpeitian ere giro "ederra" sortzea espero du musikariak.
Iraurgi Berritzen garapen agentziak XVII. Topaketak egin zituen atzo, asteazkena, Elkargunean. Hainbat eragilek parte hartu zuen hitzaldietan eta mahai-inguruetan.
Azpeitiko Lagun Onak mendi bazkunak abenduko Mendi Asteko egitaraua prest du. Datorren astean, abenduaren 10etik 13ra, izango dira ikus-entzunezko eta solasaldiak. Hilaren 13rako, berriz, batzar nagusia deitu dute Azpeitiko mendizaleek.
Igande goizean, Loiolan elkartuko dira, eta handik itzulia egingo dute Azkoitia eta Azpeitia aldera. 13:00etan berriz Loiolan elkartu ostean, bazkaria egingo dute Kirurin. Ibilgailu klasikoak eta historikoak dituzten oro gonbidatu dituzte antolatzaileek egitasmora.
Azpeitiko Udalak eta Deustuko Unibertsitateak elkarlanean antolatu dute ikastaroa abenduaren 12rako. Basazabal jauregian eskainiko dute ikastaroa, goizez. Saio horretan izena emateko epea ireki dute; azkeneko eguna abenduaren 11 izango da.
Astero-astero hainbat zozketatan parte hartzeko aukera eskaintzen dugu HITZAKIDEen txokoan. Honakoa da aste honetakoa.
Zestoako gune historikoa eta Azpeitiko Soreasuko Sebastian Donearen parrokia nahiz Madalenako baseliza bisitatzeko bisita gidatuak antolatu dituzte astebururako, Ezkutuko Altxorrak egitasmoaren barruan.
Gaur, San Eloi eguna, zezen txikiak eta poniak nahiz herri kirol erakustaldia izan dira auzoan. Jendetza joan da Landetara, azken jaiegunaz gozatzera.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
egin zaitez HITZAkide
