Urola Kostako Correosen bulegoek ohiko ordutegia izango dute bihartik aurrera. Bestalde, Eusko Legebiltzarrerako hauteskundeetan posta bidezko botoa emateko leihatila bereziak ezarriko dituzte hainbat herritan.
Asteburuan pasealekuaren Zarauzko hasierako partera gerturatu da HITZA, herritarrei galdetzeko ea zer moduz moldatzen diren bidea maskarekin egiteko, derrigorrezkoa baita horiek jantzita egitea ibilbidea.
Hiru kasu zenbatu dituzte Bizkaian, eta bi Araban. Gipuzkoan, berriz, ez da kasu bat bera ere atzeman azken orduetan. Hiru lurraldeetan bost pertsona gehiago hil dira COVID-19aren ondorioz.
Jaurlaritzak izango du neurriak ezartzeko, moldatzeko edo kentzeko eskumena hirugarren fasean. Trukean, alarma egoera luzatzearen alde egingo du EAJk Espainiako Kongresuan.
EAJk esan du herriak "erantzun bateratu eta ona" behar duela, eta salatu du koalizioak ez duela alor ekonomikoan neurririk hartu. Udal taldeak argitu du ez dutela aukerarik izan neurriak adosteko, eta alarma egoera ezarri zenetik ari dela lanean.
Sei kasu zenbatu dituzte Bizkaian, eta bat Araban; Gipuzkoan, aldiz, ez dute koronabirus kasu berririk atzeman. Araban, Bizkaian eta Gipuzkoan azken orduetan hildakoak, berriz, bost izan dira.
Hondartzetako ertzetako sarrera eta irteerak erabili beharko dira hondartza denboraldian zehar. Koronabirusaren hedapena saihesteko neurrien berri ere eman du udalak, herrian ezarritako oharren bidez.
Ekintza asko bertan behera utzi dituzte, baina jai giroa izango da nagusi asteburuan Getarian. Txistulariak eta trikitilariak kalez kale arituko dira goizetik hasita.
UKUEko lehendakariari den Lourdes Salsamendiri eskatu diote zuzendaritzari dei egitea, aste honetan gaiari lotutako erabakia har dezaten.
Alarma egoera luzatzea iragarri zuen atzo Pedro Sanchez Espainiako presidenteak. Gaur beste neurri bat iragarri du, autonomia erkidegoetako presidenteekin egindako bileran: 10.000 biztanle baino gutxiago duten herriek ez dute ordutegirik izango.
Getariako, Orioko, Zarauzko eta Zumaiako udalek bilera eduki zuten atzo aldundian beste hainbat eragilerekin batera. Ingurumen Sailaren Hondartzen Lurralde Mahaian hartu zuten parte, Gipuzkoako hondartzak irekitzeko baldintzak aztertzeko. Erabakirik ez da hartu oraindik, baina lehen adierazpenak egin dituzte Getariako, Orioko eta Zumaiako agintariek. Unai Rementeria Bizkaiko Ahaldun Nagusiak ETBri adierazi dionez, "hondartzen irekiera ekainaren 15a eta uztailaren 1a bitartean egitea da proposamena".
Eusko Jaurlaritzak eta Nafarroako Gobernuak egindako seroprebalentzia ikerketaren datuen arabera, Gipuzkoako biztanleen %2,8k (20.200 lagun) ditu koronabirusari aurre egiteko antigorputzak. Datu hori G immunoglobulina oinarri hartuta atera dute, baina kopurua handiagoa da M immunoglobulina ere aintzat hartuz gero. Kasu horretan, Gipuzkoan biztanleen %3,7 lirateke positiboak.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaraz modu librean kontatzea da gure eginkizuna. Horretarako, zure ekarpena beharrezkoa da, eta ongi maitatzeko modurik zintzoena da HITZAkide egitea.
Gainera, BERRIAlaguna bazara eta HITZAkide egiten bazara, katilu bat oparituko dizugu:
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dut
