COVID-19aren hedapenak ez du etenik ez eskualdean, ez Gipuzkoan, ez Hego Euskal Herrian. Urola Kostako positibo gehienak Zumaian, Zarautzen, Azpeitian eta Azkoitian zenbatu zituzten atzokoan. Zumaian baheketa selektiboa egiten ari dira gaur ere.
Pandemiari aurre egiteko helburuarekin, eta alarma egoerak eman dion boterea baliatuta, neurri murriztaileak hartu ditu Eusko Jaurlaritzak. Horiek jasotzen dituen dekretua bart argitaratu dute EAEko aldizkari ofizialean, eta ondorioz, neurri berriak indarrean dira dagoeneko —dekretu honek baliorik gabe utzi ditu joan den ostiraletik herri 'gorrietan' indarrean ziren neurriak—. Hona hemen bart onartutako dekretuak dioena, laburbilduta:
Abian da Errigoraren kanpaina berria, eta oraingoan saskiko bost euro gehiago eskatuko dute, pandemiaren krisiagatik ez delako egin ikastolen jairik, eta Korrikarik ere ez delako izango 2021ean. Zarautzen zazpi eragileren bitartez egin ahalko dira eskaerak.
Herritarrek ezingo dute euren udalerriko mugetatik atera, justifikatutako arrazoiengatik ez bada. Gehienez sei lagun elkartu ahal izango dira, espazio publikoan zein pribatuan. 23:00etatik 06:00etara ezingo da kalean ibili, lanerako, zaintzarako edota osasun kontuengatik ez bada. Udalerri 'gorrietan' ere 23:00ak arte ireki ahalko dituzte atzera tabernak, jatetxeak eta saltokiak. Arabako, Bizkaiko eta Gipuzkoako sarrera-irteerak ere modu berean mugatu dituzte. Neurriok hamabost egunerako dira, printzipioz. Dekretua gaur argitaratzea eta neurriak bihar 06:00etatik indarrean izatea nahi du jaurlaritzak.
Positiboen kopuruak gorantz jarraitzen du eskualdean. 194 kasu zenbatu dira eskualdean ostiraletik igandera bitartean, eta Urola Kostako hamar herritan zenbatu dituzte kasu positiboak, Osasun Sailak emandako datuen arabera. Azpeitian, Zumaian eta Azkoitian zenbatu dituzte kasu gehien, baina Zarautzen ere igoera kezkagarria izan da. Zumaiako kasuan gaur bertan hasiko dute baheketa selektiboa.
Besteak beste, 23:00etatik 06:00etara bitartean etxeratzeko agindua eman du Espainiako Gobernuak. Alarma egoera datorren maiatzaren 9ra arte luzatzeko asmoa duela jakinarazi du Pedro Sanchez Espainiako Gobernuko presidenteak.
Zirkua, musika eta antzerkia uztartzen dituen ikuskizuna da 'Mikra'. Obra hori ikustera joateko aurrez sarrera eskuratu beharko da Zestoako Turismo Bulegora deituta.
Igandean ziren proba jokatzekoak Hernanin (Gipuzkoa), baina "egoerak hala behartuta", lehiaketa bertan behera uztea erabaki du Almitza sega elkarteak.
16:00etan izango da ikastaroa, jubilatuen tabernan. Zestoako 3Z taldeak antolatu du saioa.
GI-630 errepidean, Zestoako bainuetxearen parean, izan da istripua. Ez da inor zauritu. Uneotan Ertzaintza ari da trafikoa zuzentzen: zirkulazioa bainuetxearen aparkalekura ari dira desbideratzen.
Azken urteetako legez, Uemako kide diren herrietako negozioek eskatu ahal izango dituzte hizkuntza paisaia erantzen duten euskarazko baliabideak. Aurten, baina, orain arte egindako material guztia webgunean jarri du Uemak, eta behar dituztenek eskaera orria beteta eskuratu ahal izango dituzte horiek.
Adinekoak kirola egitera bultzatzea da saioen helburua. Zestoako taldea osatu dute dagoeneko, baina Aizarnakoan eta Arroabekoan badago lekua oraindik.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaraz modu librean kontatzea da gure eginkizuna. Horretarako, zure ekarpena beharrezkoa da, eta ongi maitatzeko modurik zintzoena da HITZAkide egitea.
Gainera, BERRIAlaguna bazara eta HITZAkide egiten bazara, katilu bat oparituko dizugu:
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dut
