II. Trikiti Eguna ospatu zuten atzo Azkoitian. Festa giro paregabea izan zen egun osoan zehar, eta adin guztietako trikitizaleek egin zuten bat antolatutako jaiarekin. Goizeko kalejira jendetsuaren ostean, bazkaria egin zuten plazan, eta eguna borobiltzeko erromeria izan zen han bertan. Talde txikitan banatuta jo zituzten piezak, eta gogotik gozatu zuten trikitizaleek. Ibon Errazuren argazkiekin osatutako argazki bilduma da honako hau. 

Gaurko jardunaldiarekin iritsi da amaierara Euskal Herriko II. Elektrotxaranga Txapelketa. 19:00etan hasita, Distopia taldeko kideek plazatik Etxe Zurira arteko bidea egin dute eta 20:30ean, berriz, alderantzizko bidea, OstiKda taldekoek. Plazan amaitu dute ibilbidea 22:00ak pasatxo, Tartalo erraldoiarekin dantzan eta jendez inguratuta.