Naia Arrizabalaga bertsolari azkoitiarrak Euskal Herriko Eskolartekoaren finala jokatuko du igandean
Abadiñon (Bizkaia) izango da finala, 11:30ean hasita. Lurraldeetako eskolarteko txapelketetatik sailkatutako hamaika bertsolarik hartuko dute parte. Bertsolari azkoitiarra bigarren sailkatu zen Gipuzkoako Eskolartekoan.
Helduentzako arte terapia tailerra antolatu dute Azkoitiko Matadeixen
Ate irekien eguna egingo dute gaur, astelehena, 18:30ean, Matadeixen. Aurrerantzean, astelehenero bi orduko saioak egingo dituzte, eta guztira, hamar saio egitea aurreikusten dute.
Azkoitiko XVI. Herri Lasterketan eman daiteke izena
Iazko etenaren ondoren, azaroan jokatuko da aurten herri lasterketa. 10 kilometroko proba izango da, eta herriko kaleetan zehar jokatuko da. Azaroaren 20ra bitartean eman ahal izango da izena.
Lagunkoiaren aktibitateen baitan eskainiko dituzte aurrerantzean Azkoitiko literatur solasaldiak
Egun hamar laguneko taldeak parte hartzen du literatur solasaldietan, baina nahi duen orok du izena emateko aukera. Asteazkenero bilduko dira Elkargunean, 16:30etik 18:30era bitartean.
Udazken kontzertua eskaini du Azpeitiko Udal Musika Bandak
Zortzi abesti eskaini ditu musika bandak Soreasun, eta bertaratu diren herritarrek gogotik gozatu dute emanaldiarekin.
Gipuzkoako txinga eroate txapelketa irabazi du Goenatxo III.a azkoitiarrak
Herri kirolari azkoitiarra izan zen onena txingekin; Aimar Galarraga oriotarra, aldiz, hirugarren sailkatu zen. Asteasun (Gipuzkoa) jokatu zituzten atzo, larunbata, Gipuzkoako gizonezkoen orga txapelketa eta txinga eroate txapelketak, gizonezko eta emakumezkoetan.
Josu Barreirok 'Migratzaileak eta etxebizitza eskubidea' hitzaldia emango du asteazkenean Azkoitian
Elkargunean izango da hitzaldia, eta 19:30ean hartuko du hitzartzea Barreirok. Caritas erakundearen arabera, "ez dira nahikoa" etxerik ez duten pertsonei laguntzeko egungo zaintza eta babes sistemak.
Eskuratu daizteke hilaren 30ean Azkoitian haurrentzat eskainiko duten 'Perez sagutxoa' antzezlanerako sarrerak
Entradium atarian eros daitezke antzezlanerako sarrerak, 4 euroren truke. Urriaren 30ean, 18:00etan izango da antzezlana Baztartxo antzokian.
'Izurdeen lekua' diskoa aurkeztuko du larunbatean Mikel Urdangarinek Azkoitian
Zornotzarraren kontzertua 19:30ean hasiko da larunbatean. Sarrerak Entradium webgunean eskuratu daitezke, 20 euroren truke.
Teknologia berrien arriskuen inguruko kontzientziazio saioak egingo dituzte Azkoitian
Asteazkenetik ostiralera bitartean izango dira tailerrak, Elkargunean. Teknologia berrien erabilera okerrak gaztetxoen artean ekar ditzaketen arriskuen prebentzioa lantzea du helburu tailerrak.
Herri batzarra egingo du ostiralean Azkoitiko EH Bilduk
Elkargunean egingo du batzarra koalizio abertzaleak, 19:00etan hasita. EH Bilduren plan politikoa eta herriko bestelako gaiak izango dituzte aztergai.
Ingurumen arloko jarduerentzat eta programentzat dirulaguntzak eskatu daitezke Azkoitian
Urriaren 30era bitartean egin daitezke eskaerak udaletxean. Ingurumen arloko jarduerak egiten dituzten taldeei eta pertsonei daude zuzenduta dirulaguntzak.
