Asteartetik igandera egingo dute aurtengo Natur Astea
Osasun larrialdi egoera gaindituta, jarduera guztiak zuzenean eta bertatik bertara gauzatu dituzte. Besteak beste, onddoak eta hegazti intsektujaleak izango dira aurtengo protagonistak.
Orioko Euskara Plana egiteko lanketaren barruan, udala hezkuntzako eragileekin bilduko da asteartean
Salatxo aretoan bilduko dira, 18;30ean. Udalak zuzenean gonbidatu ditu hezkuntza esparruko eragileak, baina besteren batek bilerara azaldu nahi badu, zabalik izango ditu ateak, bilera irekia izango baita.
Andatza, duatloiaren plaza izateko prest
Urriaren 30ean mendi duatloia egingo dute estreinakoz Aian; zehazki, Andatza auzoan. Aurrelanik gehienak bukatuta, eguna iristeko gogoz daude antolatzaileak. Nabarmendu dute proba aproposa dela gutxi ibilitakoentzat.
Getarian itsasoari buruzko mahai jolasekin ospatuko dute liburutegien eguna
Ostiral arratsaldean itsasoko ekosistemak lantzeko balio duten mahai jolasen saioa egingo dute, eta itsasoa hizpide ez duten beste jolas batzuk ere jarriko dituzte aukeran. 6 urtetik gorako umeei zuzendutako saioa izango da, eta hortik beherakoek heldu batekin egon beharko dute. 17:30ean hasiko dira eta komenigarria da aurrez izena ematea.
Arraza anitzeko ganaduen enkantea egingo dute igandean Aian
Haragitarako idisko ugaltzaileen lau arraza aurkeztuko dituzte jendaurrean: Limusin, Blonda, Txarolesa eta Pirenaikoa. RJ eta RP ugaltzaileen artean ere Limusin arraza aterako dute enkantera. 11:45ean hasiko dira ganadua aurkezten, eta 12:00etan ekingo diote enkanteari.
Esti eta Mikel Markezek kontzertua emango dute azaroaren 6an Aian
Aiako probalekuan izango da kontzertua, 22:30ean hasita. Sarrerak urriaren 26an jarriko dituzte salgai, 09:30ean, interneten eta Aiako Kultur Etxean, hamar euroren truke.
Hilerria tresneria erabilgarriz hornitu du udalak, herritarrei lanak errazteko
Abuztuan ureztagailuak, erratzak eta palak jarri zituen herritarren eskura, eta orain, eskailerak jarri ditu, panteoien eta hilobien gainaldeak garbitu ahal izateko. Materiala egoki eta arduraz erabiltzeko eskatu die herritarrei.
'Bost minutun' antzezlanerako sarrerak gaur arratsaldean jarriko dituzte salgai
Itziar Urretabizkaia oriotarrak eta Andoni Agirregomezkortak hilaren 29an Orioko Arraunetxen aurkeztuko dute beren azken lana. Sarrerak gaur 16:00etan jarriko dituzte eskuragai Orioko Kultur Etxean.
Larunbatean Intzak hik! eta Goma-2 taldeek kontzertu bana emango dute Getariako Gaztetxean
Sarrera doakoa izango da eta ez da edukiera mugarik egongo.
Mendi irteera eta mendiko film emanaldia antolatu dituzte iganderako
Mendi irteeran parte hartzeko Turismo Bulegoan eman behar da izena, eta han daude eskuragai film emanaldirako gonbidapenak ere.
Tokiko merkataritza sustatzeko, Ginkana antolatu du Orioko Arkupe elkarteak
Arkupek udalaren eta Eusko Jaurlaritzaren laguntzarekin antolatu du ia hiru aste iraungo duen egitasmoa. Herriko merkataritza sustatzea da ekimenaren helburua.
Lehen Hezkuntzan maskara uneoro erabili beharraren kontra protesta egin dute Orion
HaurrakSOS plataformak deitu du protestara, uneoro maskara jantzita izan beharra bidegabea irudituta. Eusko Jaurlaritzaren protokoloaren arabera, Lehen Hezkuntzako haurrek jolastokira ateratzen direnean ere ezin dezakete maskara erantzi.
