Iñaki Jimenez: "Denboraldia hasi aurretik ez genuen bosgarren partidara begiratzen, baina orain seigarrena irabazi nahi dugu"
Iraurgi Saskibaloiko gizonen lehen taldeak, Juaristi ISBk, bikain hasi du 2019-2020 denboraldia, Zilarrezko LEB Ligan. Azpeitiko eta Azkoitiko taldeak bostetik bost jardunaldi irabazi ditu, eta sailkapenaren buruan da. Iñaki Jimenez (Donostia, 1984) da taldearen entrenatzailea sasoi berria hasi zenetik, eta hankak lurrean baditu ere, "oso gustura" da taldearekin eta jokalariak egiten ari diren lanarekin.
Berriz itzuli dira, haien DNAren bila
1983an aurkitu zuten Antxieta taldeko kideek Zestoako Amalda III haitzuloa. Irailean han izan dira Joseba Rios arkeologoarekin, Euskal Herriko azken neanderthalaren DNA zantzuen bila.
Josu Labaka: "Etorkizunean, herri bezala, munduaren aurrean euskaldun agertuko al garen dago jokoan"
Josu Labaka Azpeitiko Udaleko zinegotzia izan da Udalerri Euskaldunen Mankomunitateko lehendakaria azken lau urteetan, eta gaur pasatu dio lekukoa lehendakari berriari, Elgetako alkate Iraitz Lazkanori. Egindako bidearekin gustura dago Labaka, baita euskalgintzak eta instituzioek elkarlanean bide berri bat urratu dutelako ere. Arnasaguneen garrantziaz ohartarazi du, beste behin.
Mende laurdeneko bidaia luzea
Azpeitian kokatuta dagoen Burdinbidearen Euskal Museoak 25 urte bete ditu, eta gaur egun osorako egitaraua prestatu dute museoan bertan. Han izan dira goizean Nagore Alkorta Azpeitiko alkatea, Arantxa Tapia Ekonomiaren Garapeneko eta Azpiegituretako sailburua, Antonio Aiz Azpiegitura eta Garraio sailburuordea, Imanol Leza Euskotreneko zuzendari nagusia, Juanjo Olaizola museoaren zuzendaria eta Azpeitiko Udaleko hainbat hautetsi
Maider Etxezabal: "Nire lana egiten disfrutatzea soilik neukan buruan, eta horrek lagundu zidan ustekabean txapela irabazten"
Maider Etxezabal (Azpeitia, 1990) Zarauzko bizilagunak Euskal Herriko Lokotx Bilketa Txapelketa irabazi berri du, Igantzin (Nafarroa). Lehia oso estua izan zen larunbatekoa, baina txapela janztea lortu zuen txapelketan Araba ordezkatuz parte hartu zuen kirolari azpeitiarrak. "Gustura" dago lorpenarekin, eta lanean jarraitzeko prest dago: sokatirako denboraldi-aurrean murgilduta da, eta otsailean munduko txapelketan ariko da Irlandan.
Munoandi elkarteak hainbat hitzaldi antolatu du, "herritarrei tokia" eginda
Lehen hitzaldia ostegunean izango da, eta bi gonbidatuak azpeitiarrak izango dira: Mari Jose Aranguren Orkestra euskal lehiakortasunaren institutuko zuzendaria eta Miren Larrea insitutu horretako ikerlaria. Basazabalen izango da solasaldia, 19:00etatik aurrera, 'Gazteak unibertsitateari. Unibertsitateak gizarteari' izenburupean. Azpeitiko idazleei buruzko mahai-inguru bat eta Europako Batasunaren noraezari buruzko hitzaldi bat ere egingo dituzte aurrerago. Munoandiren ekintzek herriko gainerako ekintzen artean tokia egitea da elkartean helburua, eta haien osagarri izatea ere bai.
Agur eta esker hitzak, agintaldiko Azpeitiko azken udalbatzarrean
EH Bilduko eta EAJko hainbat hautetsik agur eta esker mezuetarako baliatu zuten atzoko udalbatzarra. Eneko Etxeberria alkateak eta Aitor Gorrotxategi EAJren udal bozeramaileak ez dute udalgintzan segituko datorren agintaldian, eta egindako bidearen errepasoa egin zuten, Udaleko bi alderdiek azken lau urteetan gauzatu duten "elkarlana" azpimarratuta.
Hilaren 24an egingo dute babestutako eta udal sustapeneko etxebizitzen zozketa Azpeitian
Esklabak-Iturtzulo eremuko babes ofizialeko 29 etxebizitza eta udal sustapeneko 33, Bustinzuriko Errebaleko lau etxebizitza eta Done Jakue kaleko beste lau etxebizitza zozkatuko dituzte egun horretan. 19:00etan egingo dute zozketa, Soreasu antzokian. Guztira, 408 lagun daude onartuen zerrendetan. Zozketa irekia izango da, eta nahi duen orok joan ahal izango du.
Aritz Unanue: "Zuzenean jotzea gustatzen zaigu gehien, eta horretarako aukera paregabea da Arkupehotsak"
Arkupehotsak egitasmoaren barruan, Sanagustin kulturguneko agertokian izango dira gaur Izei eta Deus Ez taldeak, 22:30etik aurrera. Sarrera doakoa izango da. Urola Kostako Hitzak Izei taldeko Aritz Unanue bateria-jotzailearekin hitz egin du.
Azkoitian jokatuko dituzte igandean Emakume Master Cup txapelketako finalak
12:00etan hasita jokatuko dituzte bi finalak Gurea pilotalekuan. Promozio Mailakoa Oihana Orbegozo azpeitiarrak eta Amaia Aldai dimoztarrak jokatuko dute; Lehen Mailakoa, berriz, Gernikako (Bizkaia) Olatz Arrizabalagak eta Usansoloko (Bizkaia) Patri Espinarrek. Sarrera doakoa izango da.
Diskoa grabatu dute Errezilgo eta Aramaioko trikiti eskoletako kideek
Uda sasoian aritu dira '61,4 kilometro' diskoa grabatzen. Errezilgo 30 bat trikiti ikaslek parte hartu dute grabaketetan. Diskoak "aurki" salgai jartzea aurreikusten dute.
