Itzali dute arratsaldean Errezilgo Semero mendian izan den sutea
16:45ean jaso dute abisua ertzainek, eta 20:30 aldean lortu dute sutea guztiz amatatzea. Sastrakak erretzeko piztutako sua kontrolik gabe hedatzean gertatu da sutea, Ertzaintzak jakinarazi duenez.
Arria V.ak eta Otañok apirilaren 24an jokatuko dute aizkol apustua Azpeitian
20na kanaerdiko moztu beharko dituzte eta 5.000na euro jarriko dituzte jokoan Errezilgoak eta Beizamakoak. Gaur hitzartu dituzte desafioaren baldintzak Azpeitiko Mendizabal erretegian; hilaren 7an bien prestatzaileek aurrehitzartutakoan ez da aldaketa nabarmenik izan.
Helduen danborradarik ere ez dute egingo Azpeitian
"Iritzi eta ekarpen ezberdinak entzun ostean hartu dute erabakia, pena handiz eta adostasunez" hartu dute erabakia gaur iluntzeko bileran, udalak adierazi duenez. Haurren danborrada ez egiteko erabakia hartu zuten ostiralean. Danborradarik ezean, jaiak bertan behera utziko dituzte aurten ere.
1.255 positibo zenbatu dituzte eskualdean azken lau egunetan
Kopuru handietan jarraitu arren, aurreko eguneraketan hiru egunetan batutako zenbatekoa baino txikiagoa da oraingoa. Hala ere, intzidentzia metatuak gora egin du herri handi guztietan: Azkoitiak eta Azpeitiak 9.000ko langa gainditu dute. Atzo 10.037 positibo atzeman zituzten Hego Euskal Herrian, eta azken astean 50 lagun hil dira COVID-19ak jota Araban, Bizkaian eta Gipuzkoan.
Ugaitz Mugertzak jantzi du euskal duatloiaren lehen txapela
32 minutu eta 31 segundotan bukatu ditu aizkorako eta korrikako lan guztiak Mutrikuko kirolariak. Arkaitz Jauregi (33:40) izan da bigarrena, eta Eneko Saralegi (34:49) hirugarrena, gaur eguerdian Azpeitiko zezen plazan jokatu den herri kirol lehian.
Antzerkiaz gozatu dute Arroabean
Barsanti konpainiak 'Legea gu gara' antzezlana eskaini du arratsaldean frontoian.
Arteagako jolas parkea berritzen ari dira Zestoan
Era berean, Gurutzeaga kaleko autobus geltoki zaharreko estalpea San Juan parkera eraman du udalak, auzotarrek, egoiliarrek eta haien senideek "egonleku estalia izan dezaten eskura".
Aldaketak iragarri dituzte Arroabeko ostiraleko antzerki emanaldirako
Frontoian egingo du emanaldia Barsanti konpainiak, eta 'Kale gorrian' antzezlanaren ordez 'Legea gu gara' izenekoa eskainiko du. Ordutegia mantendu egingo dute: 17:00etan hasiko da antzerki emanaldia.
Reggae eta dub doinuz bete zuten Errezil Ital Erikek eta lagunek
Zapatuan kontzertua eman zuten, udazkeneko kultur eskaintza bereziaren barruan.
Gaztedi xake txapelketaren finala Azkoitian jokatuko da aurten ere
Abenduaren 12an izango da, Gurea pilotalekuan, eta joan den martxoan jokatu zen 2020ko finalaren murrizketarik gabe, Anaitasuna Kakutek jakinarazi duenez. San Andres Txapelketa, aldiz, 30 jokalarirentzat mugatuta antolatuko dute; azaroaren 21ean egingo dute, Kultur Etxean.
Cecilio Arabaolaza hil da, Azpeitiko danborradaren sortzaileetakoa
1957an egin zen lehendabiziko umeen danborradaren antolatzaileetako bat izan zen donostiarra, Baltasar Iglesias apaizkidearekin batera.
