Azpeitia ere eremu gorrian sartu da, eta eskualdeko herri gehienak kokatu dira eremu larrienean
Urola Kostako zortzi herri daude eremu gorrian, Eusko Jaurlaritzak plazaratu dituen azken datuen arabera: Azkoitia, Azpeitia, Orio, Zarautz eta Zumaiaz gain, 5.000 biztanle baino gutxiago dituzten Aia, Getaria eta Zestoa ere 400dik gorako intzidentzia tasarekin daude. Atzo 69 positibo berri atzeman zituzten eskualdean.
Astindu dantza elkartea, hamar urte eta lehendabiziko eguneko ilusio berarekin
Jone Osa, Tamara Fernandez eta Mila Baquedano dira herriko dantza elkarteko 52 bazkideetako hiru, eta elkarteaz solastu dira. Sorreratik dago Osa, eta haren lekukoa Fernandezek eta Baquedanok hartu zuten. Urteurrena abenduan emanaldi handi bat eskainiz ospatu nahi lukete, baina oraindik ez dute ezer aurreratu nahi. Astindu Eguna, berriz, maiatzaren 1ean ospatuko dute.
Getariako memoria historikoa berreskuratzeko "etapa baten lanketa itxita gelditu da gaur"
Ekitaldi hunkigarri eta mamitsua egin dute gaur eguerdian Getariako Udalak eta Aranzadik, herritarrei aurkezteko 'Getaria 1936-1945, Giza Eskubideen zapalketa eta errepresioa Gerra Zibilean eta Lehen Frankismoa' izeneko liburua. Musika, testigantza zatiak eta Ione Zuloaga ikerlari azkoitiarraren azalpenak entzun dituzte Katrapona plazara bertaratu diren ehundik gora getariarrek.
“Sorpresa hartu nuen Fraisoron egindako lanaz jabetzean”
Zizurkilgo Fraisoro sehaska etxetik 12.000 haur eta 3.500 emakume inguru igaro ziren mende batez. 2011n, Garciak liburu bat idatzi zuen, eta zerbitzu hura nolakoa zen azaldu; orain, berrargitaratu egin du, datu gehiagorekin.
Atzoko etapa bikainaren ostean, Itzuliko 50 onenen artean da Jon Agirre
Atzo jokatu zen Euskal Herriko Itzuliaren laugarren etapa, eta Arroako txirrindulariak "kristoren etapa" egin zuela azaldu du Itzulia bertatik bertara jarraitzen ari den kirol kazetariak. Gaur Zumaiatik pasako da lasterketa, baina Agirrerentzat "ez da egokia gaurkoa, bai biharkoa, ordea". Hain zuzen, bihar amaituko da aurtengo txirrindularitza proba, Arraten.
N-634 errepidea ordubete inguruz itxita egongo da bihar kostako herrietan Itzuliagatik
Txirrindulari proba 14:30ak aldera iritsiko da Oriora Usurbildik barrena, eta Zarautz, Getaria eta Zumaia zeharkatuko ditu hurrenez hurren. Segurtasunagatik, errepide nagusia erabat itxiko dute, 14:00ak aldera hasita.
Eskualdeko 11 batel lehiatuko dira gaur Gipuzkoako Txapelketan
Pasai Donibanen jokatuko da txapelketa gaur, igandea, 11:00etan hasita. Orioko eta Zumaiako launa ontzi lehiatuko dira, Zarauzko bi eta Getariako bat.
Getariako kiroldegian ate irekiak antolatu dituzte spinning eta hipropresibo jardueretarako
Apirilak 12, astelehena, izango da ate irekien aurreneko eguna hipropesiboentzat, eta hilaren 29ra arte doan probatu ahal izango da. Spinningeko ate irekiak, berriz, martxan daude dagoeneko. Hainbat egun eta ordutan bertaratu ahalko da saioetan parte hartzera.
Aiako Udalak 25.000 euro bideratuko ditu ostalariei eta merkatariei laguntzeko
Apirilaren 30era arte egin daitezke eskaerak, eta horiek korreo elektronikoz edo erregistro elektronikoz entregatu beharko dira. Ostalariek, merkatariek eta ostatu turistikoek eskatu ahalko dituzte laguntzak. Hemen ikus daitezke oinarriak, baita eskaera orria deskargatu ere.
Orion piraguista bati lagundu behar izan diote lehorrera iristen
Gipuzkoako Gurutze Gorriak jakitera eman duenez, larrialdi zerbitzuen deia jaso dute Getarian, piraguista bat nekeak jota zegoelako Orion uretan. Laguntzera abiatu dira itsasoz, baina beraiek iritsi aurretik ontzi batek eraman du Orioko kirol portura piraguista. Suhiltzaileak eta ertzainak ere bertaratu dira.
Abenduaren 18an zabalduko dute Hotz-Zarautzen Gabonetako azoka
Aurten herritarren materialik ezingo du jaso errefuxiatuei laguntzeko Zarauzko elkarteak, baina egin egingo da azoka, eta herritarrei beren parte hartzea eskatu diete. Abenduaren 18an zabalduko ditu ateak Ipar kalean prestatu duten lokalak. Gainera, laguntzeko beste bi modu ere jarri ditu Hotz-Zarautzek.
