Korrontzi musika taldeak 6.262,15 euroko eman dizkio Zarautzen sortutako Itsas Salmendu Humanitarioa (SMH) Gobernuz Kanpoko Erakundeari honek kudeatzen duen Aita Mari erreskate ontziaren proiektura bideratu ditzan. Zenbatekoak Bidaia musikala urrutiko uretara disko-liburuan du jatorria, musika taldeak 2021ean ondu zuen ongintzazko proiektua.
Elkar diskoetxeak argitaratu zuen lana eta sei abesti ditu guztira. Horien grabaketan Euskal Herriko zein kanpoko beste hainbat musikarik kolaboratu zuten, gainera: Galiziakoak, Italiakoak, Portugalgoak edota Saharakoak, besteak beste. Testuak, berriz, Aritz Bergarak idatzi zituen. Bada proiektuan parte hartu duten horiei guztiei eskerrak eman nahi izan dizkie Korrontzik bildutakoa dirua SMHri ematerakoan: "Hau guztia ez zen posible izango proiektu honetan lagundu duten jende askoren parte-hartzerik gabe. Eskerrik asko dantzari, musikari, lagun eta bereziki publikoari! Guztion artean "Aita Mariri gure bultzada eman diogu".