Eskolarteko Mendi Lehiaketa egin dute gaur, igandea, Zestoan. Gipuzkoako hainbat eskolatako haurrek parte hartu dute hitzorduan; guztira, 240 ume eta 140 guraso elkartu dira ekintzan. Bi ibilbide egiteko aukera izan da: batzuek bederatzi kilometroko bidea osatu dute, eta beste batzuek sei kilometrokoa. Agiro mendi klubak antolatu du lehiaketa, Gipuzkoako Mendi Federazioaren eta Gipuzkoako Foru Aldundiaren laguntzarekin.
(Argazkiak: Agiro mendi kluba)