Urte batzuetako etenaren ostean, aurten Futbito Txapelketa antolatzea erabaki du Zestoako Gazte Asanbladak, eta horren inguruan hitz egiteko batzar irekia deitu du astelehen arratsalderako. 18:30etan bilduko dira gaztetxe berrian, alegia, Elizondo eraikinean. Ordurako gutxienez bost kidez osatutako taldeak egiteko eskatu dute antolatzaileek, eta talde bakoitzeko ordezkari bat bilerara azaltzeko.