Atzo hasi zituzten Zestoako kiroldegi aurreko estalpea kentzeko lanak. Kiroldegiko pilotalekuaren teilatua berritzeko obrekin batera esleitu zituen udalak orain egiten ari diren lanak. Estalpe berria jarriko dute kenduko dutenaren ordez, eta eguzki plakak jarriko dituzte haren gainean.
Udalak aurreikusitakoaren arabera, ostirala arte iraungo dute estalki zaharraren egitura desmuntatzeko lanek. Lanak tarteko, eta segurtasuna bermatzeko, kiroldegi aurreko Uztapide jolas parkea itxita egongo da asteburura arte.