Endoia auzoan atzo hasi ziren Asentzio jaiak ospatzen. Meza, auzo afaria eta erromeria egin zituzten atzokoan, eta dantzarako abagunea ere izan zuten han bildutakoek, Ane eta Maialen trikitilarien doinuei esker.
Igandera arte izango dira festak Endoian, eta besteren artean, auzo poteoa, bertso afaria, bazkaria, dantza emanaldia, erromeria, meza, pintxo dastaketa, emakume harri jasotzaileen erakustaldia eta herri kirol saioa izango dira.
Hona hemen egitaraua:
Gaur, ostirala
19:00. Auzo poteoa.
20:30. Bertso afaria Aitor Sarriegi eta Unai Agirre bertsolariekin.
Ondoren, erromeria Ane eta Maialen trikitilariekin.
Bihar, larunbata
14:00. Bazkaria.
17:00. Itziarko Andutz dantza taldearen emanaldia.
Ondoren, umeen jolasak eta goxokiak.
23:00. Erromeria Ansorregi eta Larrañaga trikitilariekin.
Goizaldera, karroza.
Maiatzak 21, igandea
11:00. Meza.
Ondoren, pintxo dastaketa.
12:00. Emakume harri jasotzaileen erakustaldia, Manex eta Erkizi trikitilariek alaiturik.
14:00. Auzo bazkaria.
17:30. Herri kirol jaialdia. Txapartegi, Larretxea eta Burni eta bere lagunak izango dira plazan. Manex eta Erkizi trikitilariek alaituko dute giroa.