Sua eman diote bart Amaiako plazan dauden zabor ontziei eta organikoa, errefusa, papera, beira, eta plastikoa botatzeko bost edukiontzi erabat suntsituta geratu dira. Horrez gain, olio zikina botatzeko edukiontziak ere izan ditu kalteak, baita inguruan aparkatuta zeuden bi autok ere Ertzaintzak hedabide honi jakinarazi dionez. Jabeek salaketak jarriko dituzte.
Zehaztu dutenez, 02:34ean eman du abisua bizilagun batek eta Ertzaintza eta suhiltzaileak bertaratu dira tokira. Itzaltze lanen operazioa 04:50ean eman dute amaitutzat.