Ados Pilota klubak antolatutako Eusko Label Binakako Txapelketa Nagusiaren jardunaldia hartuko du etzi, ostirala, Aizarnazabalgo Atari Soro udal pilotalekuak.
Bi partida ikusteko aukera izango dute Atari Sorora joaten direnek. Batetik, Galeanok eta Arrastiak osatutako bikoteak Gordonekin eta Oskozekin neurtuko ditu indarrak. Bigarren partidan, berriz, Eneritz Arrieta azkoitiarra ariko da, Zabalarekin bikotea osatuta, Etxebesteren eta Capellanen kontra.
19:00etan hasiko da pilota jaialdia, eta sarrera doan izango da.