Jesusen Nekaldiaren eta Heriotzaren Prozesioa egin dute Azkoitian arratsaldean, eta Aita Mari itsasontziari elkartasuna adierazteko, Jesus haurrak salbajantzia eraman du soinean. Ohi bezala, jendetza elkartu da.
Errealaren emakumezkoen bigarren taldean jokatu du Malen Solozabal (2001) zumaiarrak urte honetan. Denboraldi paregabea egin dute, eta martxoa amaieran, bi partiden faltan, liga irabaztea eta mailaz igotzea lortu zuten. Harrobia lantzeko helburuarekin sortu zuen Errealak talde hori iaz, eta emaitzak ikusita, ondo bidean ari dira. Eskualdeko beste jokalari batzuk ditu bigarren talde horrek: getariar bat, azkoitiar bat eta hiru azpeitiar. Irailetik aurrera Euskal Ligan izango dira.
XV. Jose Angel Iribar Txapelketa jokatu dute goizean Astin hamasei taldek, tartean Zarauzkoak, Oriokoak eta Zumaiakoak. Kiroltasunez aritu dira kimu mutilak, eta etxekoak nagusitu dira azkenean, finala oriotarrei irabazita.
Getarian, Orion, Zarautzen eta Zumaian eskainiko du zerbitzu berezia Urola Kostako Udal Elkarteak bihar eta etzi.
Zarautz Kirol Elkarteko lehendakaria izan zen Juan Mari Arrizabalaga, 'Belarrio' (Zarautz, 1944), 1996tik 2008ra. Rafa Olaizolaren lekukoa hartu zuen, eta berak egungo lehendakariari egin zion tokia, "neure burua desfasatuta ikusi nuenean".
Zarauzko Salbatore Mitxelena Ikastola da antolatzailea, eta Kilometroen programazioan sartu dute aurtengo edizioa. Herritarrak animatu dituzte proban parte hartzera. Iaz bezala, 21 kilometroko proba eta 8 kilometroko proba mistoa daude aukeran.
Jende ugari bertaratu da gaur Burdinbidearen Euskal Museora, lurrun trenean buelta bat eman, eta bide batez, aspaldiko trenak ikustera. Atzerritarrak zein herritarrak bildu dira, eta gozatu ederra hartu du hainbat gaztetxok.
Aste Santuan bizilagunak oporretara joan direlako hutsik geratu diren etxeetan lapurretak gertatzen ari direla jakinarazi du Azkoitiko Udaltzaingoak. Lapurrek hari mehe bat jartzen dute atean, etxean inor dagoen edo ez jakiteko.
Portale kultur elkarteak eta Jagoba Astiazaran musikariak antolatu dute ikastaroa. Maiatzaren 5era bitartean eman daiteke izena.
Aste Santuko elizkizunen eta ekitaldien baitan, gurutze bidea egin dute gaur goizean Zumaian. Jesukristok kalbariora egin zuen bidea gogoratu dute ostiral santu honetan.
Zarauzko Garagardo Azokan herri bazkaria egingo dute larunbatean, Zarautz Kirol Elkartearen 75. urteurrena ospatzeko. Parte hartu nahi duenak oraindik aukera duela esan dute antolatzaileek, eta jakinarazi dute txartelak salgai daudela Garagardo Azokako leihatilan.
Zestoako Bainuetxean eskainiko ditu emanaldiak Jesus Perezek. Guztira, hiru emanaldi izango dira: gaur, 19:30ean eta 22:00etan; eta larunbatean, 22:00etan.
Saioa hasten baduzu, HITZAKIDE izatearen abantailak baliatu ahal izango dituzu.
HITZAKIDE naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAKIDE izatearen abantailak eta aukeratu HITZAKIDE izateko gustuko modalitatea
HITZAKIDE izan nahi dut
