Arratsaldeko 19:30ean elkarretaratzea egin du Getariako talde feministak udaletxe aurrean, Emakumeen kontrako indarkeriarik ez! lelopean, pasa den asteartean Orion gertaturako hilketa gaitzesteko. Adin guztietako herritarrak bildu dira bertan, eta minutu batzuetako isilunearen ondoren, adierazpena irakurri dute talde feministako bi kideek. Idatziaren bidez azaldu dute emakumeen aurkako indarikeriak ez duela etenik izango "gizartea egituratzen duen matxismoarekin amaitu arte” eta hori “gizarte osoaren arazo bat” dela.
Bikotekide ohiak hildako emakumea gogoan, elkarretaratzea egin dute Getarian
Emakumeen kontrako indarkeriarik ez! lelopean udaletxeko plazan bildu dira getariarrak.