Getariara bidean da Laburbira 2024, euskarazko film laburren zirkuitu ibiltaria. Izan ere, igande honetan, hilak 14, Iturzaeta aretoan erakutsiko dituzte aurtengo zirkuiturako aukeratutako zortzi ikus-entzunezkoak. Saioa 19:00etan hasiko da, eta sarrerak dagoeneko salgai daude hiru euroan Turismo Bulegoan. Egunean bertan leihatilan ere eskuratu ahalko dira.
Honakoak dira Laburbiran erakutsiko dituzten ikus-entzunezkoak; tartean dago Ander Iruretagoiena zarauztarraren Babesa filma:
- Dena asmatuta dago (Jone Arriola)
- Katalinaren Zoria (Guillermo Ordás)
- Erro (Amaia Lejarreta)
- Babesa (Ander Iruretagoiena)
- Mundu berri bat (Mikel Alvarez)
- Zirrara (Ane Cuesta)
- Talkak (Ilune Diaz eta Jordi Nuet)
- Betizu buru (Kim Maiteny Munoa)
Getarian ez ezik, eskualdean Azpeitian ere egingo du geldialdia Laburbirak. Apirilaren 21ean izango da, 19:30ean, Soreasun.