Dantzari gaztetxoez bete da gaur Getaria. Izan ere, Gure Txeru elkarteak antolatuta, Dantzari Txiki Eguna ari dira ospatzen, eta herria dantzan jarri dute goizetik. Herriko kaleetan zehar dantzan ibili dira lehendabizi, eta ondoren emanaldia eskaini dute frontoian.
Arratsaldera arte luzatuko da festa. Eguna borobiltzeko, 16:00etan, Elizagoien ahizpak erromeria eskainiko dute herriko plazan, bi orduz.