Bi egunetan izango dira prezio merkeagoak Azkoitiko barraketan

San Andres festak tarteko, barrakak jarri dituzte Azkoitiko Trenbidearen Zumardia kalean. Joan den asteaz geroztik daude barrakak gune horretan, eta abenduaren 4ra bitartean izango dira han. Aurtengoan, bi umeen egun izendatu dituzte; hau da, bi egunez izango dira beherapenak barraken prezioetan. Hain zuzen ere, asteazkenean, azaroak 28, eta abenduaren 3an izango dira prezio merkeagoak; egun horietan euro bat ordaindu beharko da sarrera bakoitza, eta, gainontzeko egunetan, 1,80 euro.