Zarauzko Udalean ordezkatuta dauden alderdi guztietako kideak eta beste hainbat herritarrek Orioko hilketa matxista arbuiatu dute gaur eguerdian. Orotara 50 bat lagun izan dira Udal Gobernuak deitutako protestarekin bat egin dutena eta bost minutuko isilunea egin dute udaletxearen aurrean.
Arratsaldean, berriz, elkarretaratzeak egingo dituzte Urola Kostako Mugimendu Feministak eta Itaia emakumeon antolakunde sozialistak deituta. Biek ala biek 18:30erako egin dituzte deialdiak Lege Zaharren enparantzan.