Itziar Ugarte idazlearen Gu gabe ere poesia liburuan oinarritutako emanaldia izango da datorren asteartean, abenduak 20, Zestoan. Liburuaren egileak Mikele Landa izango du bidelagun Gu gabe ere, biharamunean izena jarri dioten saioan. Liburuko poemei ikus-entzunezkoak josi dizkiete, hegal modura batzuetan, aingura lez besteetan. 19:00etan izango da emanaldia, Alondero aretoan.