Zestoako eta Mendaroko udalek zein Itziarko Auzo Udalak antolatuta, artadiak berreskuratzeko ezkur bilketa egingo dute hilaren 14an, larunbatez, Naturtzaindia elkartearekin laguntzarekin. 09:00etan Zestoako plazan elkartuko dira, eta handik Aizarnara joango dira, bidean ezkurrak biltzeko. Guztira, hiru kilometroko ibilbidea izango da.
Ondoren, bazkaria egingo dute Aizarnako Aranburu jatetxean, eta otordurako izena eman nahi duenak info.naturtzaindia@gmail.com helbidera idatzi beharko du hilaren 10a baino lehen. Bazkariaren prezioa 22 eurokoa da.