Udaberriarekin lotzen den alaitasunarekin ospatu ohi dute Zestoako Herri Eskolako ikasleek Udaberri Festa. Urtero data hauen bueltan egin ohi duten jaia da, baina aurten lekualdatu egin behar izan dute, eskolako jolastokia obretan baitute. Hori dela eta, San Juan parkean egin zuten jaia atzokoan. Gainera, bisita berezia jaso zuten.
San Juan parkea San Juan egoitzaren azpian dago, eta egoitzako erabiltzaileek gaztetxoen festarekin bat egin zuten atzokoan. Modu horretan, askotariko jolasetan ibiltzeko aukera izan zuten eskolako ikasleekin batera.
(Argazkiak: Zestoako Udala)