Zestoako San Juan egoitzan egun handia dute gaurkoa. Hango egoiliar batek, Esperanza Benitezek, mendea bete du, 100 urte alajaina, eta goizean goizetik ekin diete ospakizunei. Egoitzan izan dira Zestoako Udaleko ordezkariak, eta baita Benitezen senitartekoak ere. Beatriz Zubia zinegotziak lore sorta bat oparitu dio Benitezi udalaren izenean, eta ondoren, kandelak itzaltzeko aukera ere izan du, bilobak alboan zituela.