Honezkero jakingo duzuenez, Donostia Kulturak 1939ko Kontxako Banderaren edizioa baliogabetu egin du. Beraien webgunean agertzen da aldaketa, eta asteburuan “El Diario Vasco” egunkariak argitaratu du erabakia kirol atalean. Pentsatuko duzuen bezala, Orion harridura, haserrea eta negarra eragin du albiste horrek. Gaur bertan etorri zaizkigu hainbat pertsona heldu malkoak begietan diztuztela, erabakia ulertezina dela esanez.
Aurtengo Kontxako Banderaren aurkezpen egunean, abuztuaren 26an goizetik, sailkapen estropadako tribunetako sarrerak internetez hartu nahian sartu nintzen donostiakulturako webgunera, Estropadak eta Festak atalera, baina blokeatuta zegoen. Arratsaldean berriz probatu nuen eta bale. Orduan izan nuen erabakiaren berri. Bertan azaltzen zen lehehengo aldiz palmaresaren birmoldaketa. Abuztuaren 25arte balekoa zena, orain aldrebestua.
Derrepete jakinarazi nien albistea Orio Arraunketa Elkarteari eta Orioko Udalari. Beraiek ezer ez zekiten. Inork ez zien gai honi buruz ezertxo ere adierazi. Hor jakin gunuen, webgune-dekretoz, 1939ko bandera lapurtu zigutela.
Errespetu falta ikaragarria delakoan gaude, kasik ezkutuan adierazi baitute erabakia. Donostiako Estropadetan historian zehar hainbeste inplikatu eta lan egin duen herri bati bestelako tratamendua zor diotelakoan gaude... are gehigo Kontxako Bandera jokoan dagoenean. Gutxienez gai horri buruz zuten kezka azaldu behar zigutela uste dugu, eta modu horretan gure arrazoiak emateko gunea ireki.
Guzti honi buruz, informazioa izan dezazuen esan behar da:
- Orio Arraunketa Elkarteak erabakiaren kontra, abuztuaren 28, arratsalde-gauean eta korreo elektronikoz, bere arrazoiak emanez txostena bidali ziela Eneko GoiaDonostiako alkate jaunari eta Alfonso Gurpegui zinegotziari.
- Horretaz gain, Orio Arraunketa Elkarteak, korreo zertifikatuz txosten berbera bidali zien aurretik aipatutako pertsonei.
- Gainera, Orioko Udalaren izenean Orioko alkateak bere txostena bidali zuen abuztuaren 29 eguerdian.