Gipuzkoako Foru Aldundiak zehaztu duenez, gaur 20:00etatik aurrera erabat irekiko da Zarautz eta Getaria arteko N-634 errepidea. Apirilaren 2ra bitartean egongo da erabat zabalik errepidea. Apirilaren 3tik aurrera, berriz, errepideak noranzko bakarreko txandakako zirkulaziora itzuliko da. Semaforo bidez erregulatuko da orduan, horma konpontzeko azken lanak egin ahal izateko.
Halaber, bihar errei batean mozketa puntualak egingo dituzte egunean zehar.
Luizi baten ondorioz erabat itxi zen errepidea ibilgailuentzat nahiz oinezkoentzat otsailaren 11n, ordutik hainbat gorabehera eduki ditu zirkulazioak.